অসমীয়া কবিতা, তৰোৱাল, প্ৰীতিমণি দাস, ৬ষ্ঠ বছৰৰ ৩য় সংখ্যা,

 

(জুবিন গাৰ্গৰ সশ্ৰদ্ধ সোঁৱৰণত)

তৰোৱাল খনৰ তীক্ষ্ণ ধাৰ !

তাৰ চোক কমাবলৈ সিহঁতে মনে মনে চেষ্টা কৰে মানুহবোৰে হাড়ৰ তলত লুকাই থয় তৰোৱালখন সংগোপনে ।

তৰোৱালখন সিহঁতে বিচাৰি ফুৰে 

পলাতক আচামী যিদৰে পুলিচে বিচাৰে

নদীবোৰত 

পাহাৰবোৰত 

জুপুৰী ঘৰবোৰত

ফুটপাথত

হাঁহৰ গড়ালবোৰত

ৰোগীৰ প্ৰেচকিপশ্যনবোত

শিশুৰ অপাপ চাৱনিবোৰত

ইউকেলিপ্তাচ গছবোৰত 

এনেকি 

ৰঙা সেনাৰ লংমাৰ্চত ।

তৰোৱালখন নাই

নাই মানে নায়েই ।

তৰোৱালখন তৰোৱাল নহয়

তৰোৱালখন গান 

শান দিয়া গান

ধান দিয়া গান ।

১৯ চেপ্তেম্বৰত সাগৰতলিত পৰি আছিল তৰোৱালখন ।

প্ৰীতিমণি দাস

সহকাৰী শিক্ষয়িত্ৰী

চম্পকনগৰ মধ্য ইংৰাজী বিদ্যালয়

শিক্ষাখণ্ড : ছয়গাঁও