অসমীয়া কবিতা, মুক্তিৰ সন্ধানত, শ্ৰীনৱ দাস

 মুক্তিৰ সন্ধানত

আৰু এটা দিন পাৰ হৈ গ'ল

কোনোবা ঘৰলৈ গ'ল ,

আৰু কোনোবা ?

ফুটপাথতে পৰি ৰ'ল  ৷

পোহৰ হ'ব, চহৰখনে সাৰ পাব ,

চকুহাল মেলিয়েই

সি কাম এটা বিচাৰিব ৷

ভাগ্যৰ খেল এয়া

কোনোবাদিনা ভাগৰে দেহা মাৰিব ,

আৰু কোনোবা দিনাখন ভোকে .. !

বিহঙ্গই জানো বিচাৰে,

বন্দীত্বৰ পাশত থকা এখন অৰণ্য ?

সোঁৱে-বাঁৱে বহু মনুষ্য , 

কিন্তু তালৈ চাবলৈ ,

তাক বুজিবলৈ সময় নাই কাৰো সামান্য ৷

দুচকুত ক্ষত-বিক্ষত হৈ পৰি আছে ,

বাল্যকালৰ সেয়া শেলুকীয়া উশাহ ,

স্বাধীন দেশত পাব জানো সি

বন্দীত্বৰ পৰা এচাটি মুকলি প্ৰবাহ ?

এনেকৈয়ে এটি এটি দিন পাৰ হৈ যাব

শিশু শ্ৰমিক ,

শ্ৰমিক হৈয়ে ৰ'ব ৷

শ্ৰীনৱ দাস

সহকাৰী শিক্ষক 

ফটুৰী মধ্য ইংৰাজী বিদ্যালয় 

ছয়গাঁও শিক্ষাখণ্ড

মোবাইল - ৭০০২২৫৬৭৭৬