অসমীয়া কবিতা, নোৱাৰোঁ বুলি নক’বা,ভাস্কৰ জ্যোতি দাস, ৩য় বছৰ ৩য় সংখ্যা,

 নোৱাৰোঁ বুলি নক’বা

কিয়নো ক’বা কোনো এটি কাম

একেবাৰে নোৱাৰোঁ বুলি ,

কিজানি পাৰা এবাৰ কৰি চোৱা

চেষ্টা নকৰা কিয় সমূলি ?

নোৱাৰোঁ বুলি ভৱাটোৱে হ’ল

বিফলতাৰ মূল কাৰণ ,

পাৰো বুলি যদি যতন কৰা

জিনিব পাৰিবা মহাৰণ ৷

বিফল হ’লেহে চিনিবা তুমি

সফলতাৰ নতুন বাট ,

চেষ্টা কৰি কৰি সফল নহ'লেও  

আমেজ থাকিব তাত ৷

জনাটোকে বাৰে বাৰে কৰিলে

পাৰিবা নিপুন হ’ব ,

নিপুনতাৰে খৰকৈ কৰিলে

তাকে ওস্তাদ বুলিব ৷

অভ্যাস আৰু একাগ্ৰতাৰে

 কৰি যোৱা নিজ কাম ,

ফল নিবিচাৰি মাথো কৰ্ম কৰি

ৰাখি যোৱা নিজ নাম ৷

ভাস্কৰ জ্যোতি দাস

সহকাৰী শিক্ষক

শিক্ষাখণ্ড : হাজো ।