অসমীয়া কবিতা, তাহানিৰ দিনবোৰ , শ্ৰী উৎপল চৌধুৰী, ৫ম বছৰ-১ম সংখ্যা,

 তাহানিৰ দিনবোৰ 

-

তাহানিৰ দিনবোৰ 

কেনি হেৰাই গ'ল !

শৰতৰ পূৰ্ণিমাৰ স্নিগ্ধ নিশাৰ 

মধুৰ আমেজবোৰ নোহোৱা হ'ল ৷

চোতালত বহি নাতি নাতিনীবোৰে 

বুঢ়ী আইৰ সাধু নুশুনা হ'ল , 

তাহানিৰ দিনবোৰ 

কেনি হেৰাই গ'ল !

শেৱালীৰ সুবাস নোহোৱা হ'ল 

ঘৰৰ চালৰ লাও জিকাবোৰ 

নোহোৱা হ'ল ,

জাকৈ পলৰ লগত

ৰংমনহঁতো অচিনাকী হ'ল ৷

তাহানিৰ দিনবোৰ 

কেনি হেৰাই গ'ল !

      শ্ৰী উৎপল চৌধুৰী

      সহঃ শিক্ষক

     ৰংমহল উচ্চ মাধ্যমিক বিদ্যালয়

     কৰৰা শিক্ষাখণ্ড