গুৰু প্রণামো তোমাক
তুমি পোহৰৰ উপাসক
অম্লান জ্যোতি
তোমাৰ জ্যোতিত
উদ্ভাষি উঠিব খোজে
এজাক ভৱিষ্যত উজ্বল
তিৰ-বিৰ চকু |
তুমি জ্বলি জ্বলি
ছাঁই হৈ যোৱা
আনৰ জীৱন পোহৰাই ,
নিজে নিৰ্বাপিত হ'ব নোখোজা
অক্ষয় বন্তি তুমি |
দুখ বাকি হাঁহি হাঁহি
হঁহুৱাব পাৰা বাবেই
মহান তুমি |
তুমি হাজাৰ পোহৰৰ
সৃষ্টিৰ আধাৰ |
এনে মাহেন্দ্ৰ ক্ষণত
হে গুৰু,
তোমাক সহস্র প্রণাম,
সহস্র প্রণাম |
হেমেন চন্দ্র হাজৰিকা
সহঃ শিক্ষক
বিৰোগাঁও এম ভি
ৰামপুৰ শিক্ষাখণ্ড |
