অগ্নিকুণ্ড পৃথিৱী
দপদপকৈ জ্বলিছে পৃথিৱী
সূৰ্যৰ সমস্ত তাপ
পৃথিৱীলৈ কৰি নিক্ষেপ,
নীলাভ গ্ৰহৰ সেউজ বুকু বিদাৰি
তপত তেজৰ বাৰিষা।
পানীৰ কাঁইটবোৰে
আমাক ফুৰিছে খেদি
কাৰোবাৰ বুকু ফালি
অট্টহাস্যৰ জোঁৱাৰ ।
আমি পলাইছোঁ লক্ষ্যবিহীন ভাৱে ...
কাৰোবাৰ নিষ্ঠুৰ বৰ্বৰতাত
সেউজ গ্ৰহ জ্বলিছে ।
ব্যৰ্থপ্ৰায় জাগ্ৰত প্ৰহৰী ,
হতাশাত ভুগিছে ৰাজশক্তি
আকাশে বতাহে
শয়নে সপোনে
শংকিত কৰিছে
এটি মাথোঁ ভাইৰাছে
এটি ফিৰিঙটিয়ে
খাণ্ডৱ-দাহন কৰাৰ দৰে ,
বিশ্বত ত্ৰাসৰ সৃষ্টি কৰিছে
ক'ভিড-উনৈশ ভাইৰাছে।
************************************
ধীৰেণ কুমাৰ
প্ৰধান শিক্ষক
নহিৰা গুইমাৰা আঞ্চলিক হাইস্কুল
0 Comments