----নৈখন----
পাৰ হৈ যায় নৈখন
নৈখনৰ আটাহে
খামুচি ধৰে নিশাটো ।
ৰাতিপুৱাৰ কোমল ৰ'দজাকত
গাটো টঙাই লওঁ বুলি
এঙামূৰি দিওঁতেই
সিৰিক্ কৈ সৰি পৰে
এমুঠি বেদনা ।
দুপৰীয়াৰ পূৰঠ ৰ'দজাকত
পদূলিলৈ চাওঁ বুলি
নাকটো পোনাই লওঁতেই
আচম্বিতে আকাশৰ পৰা
সৰি পৰে এটা হুমুনিয়াহ ।
হাও হাওকৈ নৈখন
চাপি আহে
মানুহজনৰ শেতেলিৰ ফালে ----------
 |
| পৰমেশ্বৰ শৰ্মা |
লেখকৰ ঠিকনা:
পৰমেশ্বৰ শৰ্মা
সহ: শিক্ষক ,
জনতা হাইস্কুল , ডিমু ।
শিক্ষাখণ্ড - ৰঙিয়া, কামৰূপ ।
0 Comments