header ads

ছয়গঁঞা উপভাষাৰ চমু আলোচনা (চতুৰ্থ খণ্ড-যোৱা খণ্ডৰ পিছৰ পৰা...)

 ছয়গঁঞা উপভাষাৰ চমু আলোচনা (চতুৰ্থ খণ্ড-যোৱা খণ্ডৰ পিছৰ পৰা...)


খ) দেঁওচৰৰ আঞ্চলিক ৰূপ-------------

ছয়গাঁওৰ উত্তৰ অঞ্চলৰ এক বিস্তৃত অঞ্চল দেঁওচৰ, ধেলাচৰ, ন-পাৰা আদি কেবাখনো গাঁৱেৰে গঠিত । বৰ্তমান ভৌগোলিকভাৱে কিছু অংশ যদিও বকো অঞ্চলৰ অন্তৰ্গত ; তথাপিও আদিতে এই গাঁওবোৰ ছয়গাঁও ৰাজহ চক্ৰৰে অন্তৰ্গত আছিল । পূৰ্বতে যাতায়ত আৰু যোগাযোগৰ কাৰণে এই অঞ্চলৰ মানুহখিনিৰ লগত ছয়গাঁওৰ প্ৰশাসনিক এলেকাৰ মানুহৰ সম্পৰ্ক কম আছিল , সেয়েহে এই অঞ্চলত ভাষাগত এক ভিন্ন ৰূপ পোৱা যায় ।

কিছুমান শব্দৰ মাজত থকা উচ্চাৰণৰ স্বৰ ধ্বনিবোৰ উচ্চাৰিত নহয় । তাৰ ঠাইত ব্যঞ্জনযুক্ত লেখীয়া উচ্চাৰিত হয় । যেনে ----------


মান্য অসমীয়া            ছয়গঁঞা       দেঁওচৰ

বগৰী                             বুগুৰী          বুগৰী

পগলা                           পাগালা       পাগলা

মধুৰীআম                    উৰিয়াম      সোফৰাম

অমিতা                         মধুফল       মোফ্ফাল

চাদৰ                             গাতালা       গাতলা


ব্যঞ্জনযুক্ত শব্দ কিছুমানৰ পৰিৱৰ্তন মন কৰিব লগীয়া -----------

মান্য অসমীয়া            ছয়গঞা        দেঁওচৰ

বন্ধা                               বাঃনা            বানধা

ৰান্ধনি                           নাধেনি         ৰান্ধেনি


অপনিহিতিৰ ক্ষেত্ৰত জামবৰীয়া ভাষাৰ দৰে দেঁওচৰৰ ভাষাটোৰ এটা বৈশিষ্ট্য আছে ------


মান্য অসমীয়া            ছয়গঞা       দেঁওচৰ

কেতিয়া                       কেথান         কেইথান

লাগিছে                       লাগ্ চি          লাইগচে

ধৰিছে                          ধৰ্ চি            ধইৰচি


শব্দগত ভিন্নতা যেনেকৈ মান্য অসমীয়া আৰু কামৰূপীয়াৰ মাজত পৰিলক্ষিত হয় , তেনেদৰে ছয়গঞা কিছুমান শব্দৰ পাৰ্থক্য দেঁওচৰৰ কথনত শুনা যায় । যেনে : 


মান্য অসমীয়া            ছয়গঞা       দেঁওচৰ

ভাঙোন (মাছ)             ভাওনা          ভাংনা

পাৰ                              পাৰাৱা         পাউৰা

জৰোৱা                       ঝাৰুৱা        জাউৰা


'ঙ' শব্দৰ ব্যৱহাৰ জামবাৰীৰ দৰে একে । যেনে :-  ভাঙা, চিঙা, টেঙা ইত্যাদিত ছয়গঁঞা 'ৱ' লোপ পাই 'ঙ' হয় ।

নিৰ্দিষ্টবাচক প্ৰত্যয়ৰ ক্ষেত্ৰত বহু ক্ষেত্ৰত মাত্ৰ এটা উমৈহতীয়া শব্দ ' খাজা ' ব্যৱহাৰ হয় ।

মান্য অসমীয়া            ছয়গঞা            দেঁওচৰ

এডোখৰ                    আকটুকুৰা         আকখাজা

দুখন                            দুখান                 দুইখাজা


শব্দগত ভিন্নতা বহুত আছে । কিছুমান শব্দৰ প্ৰয়োজনীয়াত মান্য অসমীয়া ভাষাটো আছে । ছয়গঞা ভাষাৰ লগত দেঁওচৰৰ কথনৰ এনে পাৰ্থক্য কিছুমান উল্লেখ কৰা হ'ল --------


মান্য অসমীয়া            ছয়গঞা           দেঁওচৰ

আইতা                         বুৰমাই              আবু

মহুৰা                          মহুৰা                 নইলা

কেৰাহী                      লহৰা/চৰু         কেইৰা

দুৱাৰডলি                  দৰগৰীয়া           দৰগৰা

মাকৈ                        মাকেজাঙা     মাকেৰিজাঙা

মুৰ্গী                           মুৰ্কী                    চৰে

পাঠকনী                  আয়োতি              পাতথেনি


********

লেখকৰ ঠিকনা:

দীপাংকৰ ঠাকুৰীয়া ।

গুৱাহাটী বিশ্ববিদ্যালয়ৰ গৱেষক ছাত্ৰ ।

গৱেষণাৰ বিষয়- লোক সংস্কৃতি ।

Post a Comment

2 Comments

  1. Lucky Club Casino site review
    Lucky Club Casino · How much is luckyclub.live a win? · Can I download the Android version of Lucky Club casino app and play online slots? · How many free spins are offered at Lucky Club

    ReplyDelete
  2. i am respectful and thankful to the "Jnanam''Family.

    ReplyDelete