অসমীয়া কবিতা, এদিন গছে কথা ক'ব, ৰাতুল চন্দ্ৰ কলিতা

 
এদিন গছে কথা ক'ব

সবাকক অবাক কৰি

গছে কথা ক'ব ,

তহঁতবোৰ বৰ অবিবেচক

নিজেই  নিজৰ কবৰ খান্দ !!

সময় সময়ৰ বাবে অধীৰ 

মুখামুখি হৈ ৰ'ব ধ্বংস-সৃষ্টিৰ ।

সিদিনা সকলোৱে বুজিব –

স্বাৰ্থসিদ্ধিৰ হেতু কৰা প্ৰতিটো কাম  

কিমান যে যন্ত্ৰণাকাতৰ !

সুখ-দুখ হৈ পৰিব অবান্তৰ

ধ্বংসৰ হাতত হ'ব সৃষ্টিৰ পৰাজয় ।

সময়ৰ আহ্বান শুনক ,

কৰক  প্ৰকৃতিৰ জয়-জয়কাৰ

তেহে হ'ব পৰিত্ৰাণ মানৱৰ ।

ৰাতুল চন্দ্ৰ কলিতা

২ নং যোগীপাৰা এল বি এছ এ উচ্চতৰ মাধ্যমিক বিদ্যালয়

শিক্ষাখণ্ড : ছমৰীয়া