অসমীয়া কবিতা, ফাগুন ,উৎপলা শৰ্মা, ৩য় বছৰ ৩য় সংখ্যা

 

ফাগুন... 

অহা বাটে আহিলি তই ,

ধূলিয়ৰি দিনৰ সপোন সিঁচি ... 

লঠঙা ডালত 

বসন্তৰ আবিৰ সানি .. I 

উদং পথাৰত 

সোণালী দিনৰ 

প্ৰতিশ্ৰুতি লৈ... 

সৰাপাতৰ বেদনাবোৰ 

বুকুত সাৱটি 

সেউজীয়া জীৱনৰ 

সম্ভাৱনা হৈ I 

ফাগুন ...

তই যে চঞ্চলা ...

তই যে উন্মনা ...

অকপটে গুজি দিলি 

শিমলু , মদাৰৰ ৰংবোৰ ...

উতনুৱা বতাহজাকত 

উৰি ফুৰিছে

কেঁচা যৌৱনৰ সুৰবোৰ ...

ফাগুন ...

তই এনেকৈয়ে আহিবি ...

এবুকু সঁচা 

মৰম ... ভালপোৱা ... 

আবেগৰ সোঁতেৰে বোৱা 

এখনি বোঁৱতী নৈ হৈ l

উৎপলা শৰ্মা

সহকাৰী শিক্ষয়িত্ৰী

ছমৰীয়া উচ্চ মাধ্যমিক বিদ্যালয়

শিক্ষা খণ্ড : ছমৰীয়া ।