অসমীয়া কবিতা, ব্ৰহ্মপুত্ৰ , শ্ৰীউৎপল চৌধুৰী , ৪ৰ্থ বছৰ ২য় সংখ্যা

 ব্ৰহ্মপুত্ৰ 

                                                             

ব্ৰহ্মপুত্ৰ তুমি অনন্য 

তোমাৰ মহিমা 

অতি বিচিত্ৰ , 

শীতত তোমাৰ 

শান্ত সৌম্য মূর্তি 

নীলাভ জলধাৰেৰে 

সকলোকে দিয়া তৃপ্তি ৷

বিভিন্ন পশু-পক্ষী

চৰাই-চিৰিকতি

তোমাৰ বক্ষতে খেলে

অনুপম ৰাগ তুলি ।

বাৰিষা কালত তুমি 

ৰুদ্ৰ মূর্তি ধৰা

গৰাখহনীয়া বানপানীৰে

জীৱকুলক ত্রাসিত কৰি ৰাখা ৷ 

ব্ৰহ্মাৰ পুত্ৰ তুমি ব্ৰহ্মপুত্ৰ 

তোমাৰ মহিমা 

আজিও নহ'ল বোধগম্য । 

                                                                

 শ্ৰীউৎপল চৌধুৰী 

সহঃ শিক্ষক 

ৰংমহল উচ্চ মাধ্যমিক বিদ্যালয়