অসমীয়া কবিতা l মোৰ আই- শ্ৰীশেৱালী বৈশ্য, ৫ম বছৰ- ২য় সংখ্যা

 মোৰ আই

আই মোৰ মৰমৰ

আই মোৰ চেনেহৰ

    আই মোৰ বুকুৰে ধন 

তোমাৰ চেনেহী কোলাতে আই 

  লভিলোঁ মই জনম ৷

প্ৰতিটো খোজ তোমাৰ 

     কোলাতেই থৈ আই

হ’লো মই ডাঙৰ-দীঘল

তোমাৰ প্ৰতিটো কথাতে আই 

পাওঁ মই বিশ্বাসৰ থ’ল ৷

মই দেখা সপোনবোৰ আই 

  তুমিয়েই দিলা দিঠকত ৰূপ 

তোমাৰ মৰমবোৰত আছে আই 

    হাচ্‌নাহানা ফুলৰ গোন্ধ ৷

তোমাৰ বুকুত বাজে আই

    মোৰ প্ৰতিটো খোজৰ প্ৰতিধ্বনি !

দূৰতে গম পোৱা মোৰ কণ্ঠৰ গুণ-গুণনি

   নৰিয়াত পৰিলেওঁ আই

    তুমি মোৰ কাষতে থাকা

ওৰে ৰাতি উজাগৰে থাকি 

মনে মনে চকুলো টোকা ৷

মোৰ প্ৰতিটো দুখৰ হোৱা তুমি সমভাগী 

প্ৰতিটো বিজয়ত পোৱা সৰগ ঢুকি ৷

তোমাৰ দৰে হ’ব কোন আই

তোমাৰ যে তুলনা নাই ,

বাঢ়োক ভকতি মোৰ তোমাৰ চৰণত

     অ’ মোৰ সাদৰী আই ৷

   

শ্ৰীশেৱালী বৈশ্য 

প্ৰধান শিক্ষয়িত্ৰী ,

শুৱালকুছি সনাতন বালিকা প্ৰাথমিক বিদ্যালয় ,

হাজো শিক্ষাখণ্ড