ভুল নুবুজিবা জুবিনদা
অতি আবেগিক আমিবোৰে
আবেগত লওঁ সংকল্প বহুতো....
তুমি অবিহনে
দুখৰ সাগৰৰ পৰা উঠি আহিছে বহুজন
আমি একেলগ হৈ থাকিব নোৱাৰোঁ ।
'শিয়াল নীলা হলেও হোৱা দিবই'
স্ব-কৰ্ম, স্ব-ধৰ্ম এৰি নিদিয়ে কোনেও ।
পলিটিক্স বেয়া পালেও তুমি
সকলোতে ৰাজনীতি হৈ আছা
তোমাক ভগৱান সজাবলৈ গৈ
বহুজন অসুৰত পৰিণত হৈছে ।
প্ৰতিযোগিতাত নামিছে সকলোৱে
তোমাক ভালপোৱাৰ ক্ষেত্রত প্রথম হ'বলৈ
তোমাৰ প্ৰতিমুৰ্তি সজাত প্রথম হ'বলৈ
তোমাক শ্ৰদ্ধাঞ্জলি জনোৱাৰ জাকজমক অনুষ্ঠান পাতিবলৈ ।
সাধু শুনি সময় কটোৱা আমিবোৰক আকৌ
তোমাৰ সাধু শুনোৱাত ব্যস্ত
শাসক বিৰোধীয়ে নিজৰ ধৰণে ।
গুৰুজনাক নিজৰ কৰিছে এভাগে
লাচিতক ঢাল কৰিছে এভাগে
ভূপেন মামাক কোনেও ভাগত লোৱা নাই এতিয়াও
তুমিহে কাৰ ভাগত পৰা সময়ত....
অপেক্ষা কৰিব লাগিব মাথো
ভুল নুবুজিবা জুবিনদা ।
সহকাৰী শিক্ষক
পূবপাৰ মডাৰতোলা উচ্চ মাধ্যমিক বিদ্যালয়
শিক্ষাখণ্ড : কমলপুৰ
1 Comments
बहुत सुंदर
ReplyDelete