আপুনি এখন আকাশ আছিল, হেমেন চন্দ্ৰ হাজৰিকা

 আপুনি এখন আকাশ আছিল

এটা সৰু অজুহাততে

অভিমান কৰি

আপুনি তৰাৰ দেশলৈ গ'ল ।

ভোগদৈ নৈৰ পাৰত

জোনাকী সন্ধ্যাত 

আপোনালৈ ৰ লাগি চাওঁ । 

আপুনি নিজেই এখন

আকাশ আছিল

যাৰ তলত

আমি জিৰাইছিলোঁ । 

তাত প্ৰজ্ঞাৰ পোহৰ আছিল,

আপোনাৰ আকাশত

হাতীপটিৰ দৰে

থুপ খাই আছিল

গভীৰ তত্ত্ব ।

তাৰেই এক অবিনাশী তত্ত্ব 

আমাৰ জ্ঞানম বৃক্ষ

থুনুক-থানাক খোজ দিয়া

ধুনীয়া লহপহীয়া ।।

আপুনি ভোগদৈয়েদি

উজাই আহোঁতে

আমাক জনাবলৈ নাপাহৰিব দেই । 

হেমেন চন্দ্ৰ হাজৰিকা 

সহকাৰী শিক্ষক

বিৰোগাঁও মজলীয়া বিদ্যালয়  

শিক্ষাখণ্ড : ৰামপুৰ