ক'ভিড - ১৯
কাৰোবাৰ বাবে যোগাত্মক
কাৰোবাৰ বাবে ঋণাত্মক
দিন হাজিৰা কৰা, শ্ৰমিকৰ
বাবে ই এক অভিশাপ।
ক'ভিড আক্ৰান্ত জনৰ তথা
পৰিয়ালৰ বাবে ই অথন্তৰ
শিক্ষাৰ দিশত, ছাত্ৰ-ছাত্ৰীৰ
অগ্ৰগতিত ই এক হেঙাৰ।
ক'ভিড-১৯, কাৰোবাৰ বাবে
এক আশাৰ সঞ্চাৰ,
গঠনমূলক কামৰ উৎসাহ ।
বহু জনৰ মনৰ পৰা নিগৰাইছে
গল্প, কবিতা, উপন্যাস;
উদ্ভাসিত হৈছে শিল্পী মনৰ প্ৰতিভা।
উদ্গীৰণ হৈছে সুপ্ত অৱস্থাত থকা
শৈশৱৰ ওমলা খেল-ধেমালি
হেতালী, কাবাডী,লুডু, টাংগুটি।
আইতাই মেলিছে পাতনি, পুৰণি দিনৰ সাধুকথাৰ
গৃহিনীয়ে ৰান্ধিছে পৰম্পৰাগত খাদ্য-সম্ভাৰ।
মাটিদাইল,ঔটেঙা, কচু,পচলা আৰু খাৰ
ক'ভিড-১৯, কাৰোবাৰ বাবে ডাঙৰ সকাহ
কাৰোবাৰ বাবে এক ডাঙৰ হুমুনিয়াহ।।