শৰতলৈ আহ্বান
শৰৎ , তুমি আহিবানে ?
পদূলি গধুৰ কৰি ৰৈ আছে শেৱালিজোপাই
নহ'লে যে শেৱালিয়ে আমোলমোল সুবাস নিবিলায়..
শৰৎ, আহিবানে তুমি
সেউজী দুৱৰিডৰাত নিয়ৰৰ মুকুতামণিৰে মালা
গাঁঠিবলৈ?
শৰৎ , আঁহা__
আহি তুমি সোণোৱালী কোমল মিঠা
ৰ'দকাঁচলিৰ
আমেজ লোৱা
আঁহা, শৰৎ
তুমি আহি ৰুষ্ট প্ৰকৃতিৰ অহংকাৰী বৰ্ষাৰ
দৰ্পচূৰ্ণ
কৰি শীতল পৰশ বিলোৱা।
কোৱা শৰৎ, আহিবানে তুমি ?
শুকুলা মেঘৰ আঁৰত লুকাভাকু খেলি থকা
সেমেকা শীতল জোনাকত বহি
সুৰৰ মূৰ্চ্ছনা বিলাবলৈ
আহা শৰৎ , আঁহা ।
মেদিনীমোহন পাটোৱাৰী,
প্ৰধান শিক্ষক,
ছৈকাটা প্ৰাথমিক বিদ্যালয়।
অলংকৰণ :- তন্দ্রা দে
0 Comments