ভোগালী বিহু
মাঘৰ বিহুটি
আমাৰ ভোগালী,
মন যে হৈ পৰে
উদুলি-মুদুলি !
মিলিজুলি সাজোঁ মেজি
আমি পথাৰত,
ঢেঁকীৰ শব্দ শুনোঁ
সকলোৰে ঘৰত।
পুহ মাঘৰ দোমাহিত
পতা হয় ভোগালী উছৱ
ঘৰে-ঘৰে ধান, চাউলৰ
হৈ পৰে উভৈনদী।
কৃষক আমাৰ পৰম বন্ধু
খেতিৰে সেউজী কৰে
খহটা পথাৰখনি
গাঁও-চহৰ একাকাৰ কৰি
ভোগালীৰ উমাল
বতাহ বলে।
ৰাতিপুৱাই গা ধুই
মেজি জ্বলাবলৈ
যাওঁ,
নতুন চাউল ঢেঁকীত
খুন্দি
লাড়ু-পিঠা খাওঁ।
বিহুৰ আগদিনা হয়
উৰুকা,
ৰাইজে মিলি পাতে ভোজভাতৰ
চৌকা।
ম'হ যুঁজ, কণী যুঁজ আৰু
যে কত খেল,
আনন্দত চলি থাকে আমাৰ মৌ-মেল।
মৰমৰ এই বিহুটিক
ভোগৰ বিহু কওঁ,
সৰুৱে ডাঙৰক সেৱা জনাই
আশীৰ্বাদটি লওঁ ।
অবিনাশ দাস
অষ্টম শ্ৰেণী
ছয়গাঁও চৰকাৰী মজলীয়া
বিদ্যালয়
শিক্ষাখণ্ড : ছয়গাঁও
অলংকৰণ :- সুৰভি দাস
0 Comments