Labels

শৰৎ আগমনি l Assamese Poem by Dipika Kalita

 শৰৎ আগমনি


শৰৎ মানেই যেন শুকুলা আকাশ

শৰৎ মানেই যেন তলসৰা শেৱালি

শৰতেই আনে শুভ্ৰ কুঁৱলী

শৰতেই আনে মহিষাসুৰ সংহাৰিনী ।

এছাটি শীতল মলয়াই বাতৰি দিয়েহি

নিয়ৰ আৰু কুঁৱলীৰ ...

সোণত সুৱগা চৰে গছ - বন - পাতত ,

মুকুতা মণি যেন নিয়ৰৰ টোপালত ।


শুভ্ৰ আঁচল উৰুৱাই ,

কুঁৱলীয়ে দিয়েহি শান্তি বিলায় ,

স্নিগ্ধ শেৱালিৰ সুবাসে 

মন - প্ৰাণ জুৰ পেলায় ।


ধৰাক সৰগ ৰূপে শৰতেই সজায়

এক নৱ ৰূপত –

অতি আলফুলে ,

সেয়ে ভাল পাওঁ সুখময় শৰৎ ―

শুকুলা মেঘ , শেৱালি , নিয়ৰৰ স'তে কুঁৱলী ।

দিপিকা কলিতা l

সহকাৰী শিক্ষয়িত্ৰী,

ছমৰীয়া উচ্চ মাধ্যমিক বিদ্যালয় l

শিক্ষাখণ্ড : ছমৰীয়া, কামৰূপ l

Post a Comment

0 Comments