অসমীয়া কবিতা, নাৰী, ৰূপজ্যোতি দাস,৩য় বছৰ ৩য় সংখ্যা

 

জগত জননী ,

ধৰণী তুমি |

অপাৰ তোমাৰ শক্তি ,

শব্দৰে বেৰিব নোৱাৰি |

বন্দুকৰ গুলী ভেদি ,

জাতিৰ হকে প্ৰাণ ত্যাগ দিয়া ,

তুমি সাহসী কনকলতা |

কাইটীয়া গছৰ বিষ সহি ,

স্বামীক সুৰক্ষা দিয়া ,

তুমিতো সতী জয়মতী |

ব্ৰঞ্জ জয় কৰি ,

অসমীয়াক গৌৰান্বিত কৰা ,

তুমিয়েইতো প্ৰেৰণা লাভলীনা |

হে নাৰী ,

যদিওবা বুজিব নোৱাৰি ,

তোমাৰ কষ্টৰ কাহিনী |

তথাপি জনাও তোমালৈ বুলি ,

সন্মানৰ চিৰনমনটি ||

ৰূপজ্যোতি দাস

ছৌৰাকাৰা বালক প্ৰাথমিক বিদ্যালয়

শিক্ষাখণ্ড - কমলপুৰ