অভিপ্রায়
হে মহাবাহু ব্ৰহ্মপুত্ৰ
জনালো প্ৰণিপাত সাষ্টাঙ্গে
তোমাক ।
তোমাৰ সোঁবাহুত অংকিত
ঐতিহাসিক আলাবৈ ৰণৰ
সমীপৱর্তী
আ: কিযে অপৰূপ সৌন্দর্য ! সূৰ্যোদয় দিশত দুয়োপাৰ সংযোগী আহিলা যুগল জল জল পট পট ।
উত্তৰে পাহাৰ আজ্ঞাঠুৰী
দক্ষিণে অবিৰত বোঁৱতি সুঁতিত অটল তুমি অসমীয়াৰ জীৱন সাৰথি ।
আই অসমীৰ কৃষ্টি-সংস্কৃতিক
বান্ধি বোকোচাত তোমাৰ
চিৰ উজাগৰী...
চিৰ প্ৰবাহমান তুমি ভাৰতীৰ বুকু ভেদি পৃথিৱী অভিমুখী ।
অতি কাতৰে মৃদু প্ৰশ্ন তোমালৈ__
আমাৰ দৰে নিচলা পোহৰ পিয়াসী
শৈক্ষিক গোট 'জ্ঞানম' কামৰূপক
আকোঁৱালি নিবলৈ?
আশাৰে আমি পদুলিত !
সহায়ৰ দুহাত যদি তুলি ধৰে
অমিয় কুমাৰ ৰয়
প্ৰধান শিক্ষক
বৰিপাৰা প্ৰাথমিক বিদ্যালয়
শিক্ষা খণ্ড : বকো
0 Comments