অসমীয়া কবিতা, শাওণ, বলেন চন্দ্ৰ দাস

 শাওণ

শুকান মাটিত বৃষ্টিৰ 

নৱ প্ৰেৰণাৰ কৃষ্টি আৰু

খেতিয়কৰ আশা ।

আকাশৰ মেঘত বৃষ্টিৰ

জলাধাৰে আনিব খেতিয়কৰ উৎসাহ , 

মাটিডৰাক সেউজ কৰাৰ

পৰিকল্পনা নাঙল আৰু বলধৰ

ভাষাই দিব লখিমী অনাৰ সপোন ।

ৰোৱনিৰ মুখত বিয়ানাম আৰু শিৱ গোহাঁইৰ গীত

বতাহত ভাঁহি যায় দূৰণিৰ 

গাঁও আৰু পাহাৰৰ বুকুলৈ ।

কাষত বগলি বোৰে ডেও

মাৰি মাৰি বিচাৰি খাই পোক

কীটবোৰ বোকাৰ মাজত দেখি ।

কি যে সুন্দৰ ! শাওনৰ ছবি

ৰাম , ৰহিম , বসুমতাৰীহঁতে

একেখন পথাৰত চাহ কৰে ।

অসমৰ বুকুত নাই হীনপৰ

সকলো যেন একে মাতৃৰ সন্তান এখন আকাশৰ তলত ।

শংকৰদেৱৰ , আজান ফকীৰৰ 

বৰগীত , জিকিৰ গায় ,

চহা জীৱনৰ এনাজৰীৰ

মিলন সেতুৰ মহামিলনৰ

গীত গাই থাকিব অসমীয়া

সমাজত জীয়াই ।

বলেন চন্দ্ৰ দাস 

সহকাৰী শিক্ষক

বকো মধ্য ইংৰাজী বিদ্যালয়

শিক্ষাখণ্ড : বকো