অসমীয়া কবিতা,অনুভৱ , অনামিকা বৰা, ৪ৰ্থ বছৰ ১ম সংখ্যা,

 অনুভৱ 

মই মোক বিচাৰি পাওঁ

ডেউকা ভগা পখীৰ জাকত

যি , বিষত উকমুকাইও

আকাশলৈ উৰাৰ হেপাঁহ কৰে ,

সপোন দেখে

মৰি মৰিও জীয়াই থকাৰ...!

মই মোক বিচাৰি পাওঁ মিম'চা পুডিকাত

যি আৱেগিক অথচ সাহসী

লাজত , অপমানত , বেদনাত

জ'ই পৰিলেও ধৈৰ্য ধৰিব জানে ,

পলকতে সাহস গোটাই

পুনৰ মূৰ দাঙি উঠে ...৷

মই মোক বিচাৰি পাওঁ

হেডজিহ্গৰ মাজত

খায়-শুই-উঠে-বহে

সন্তানো জনম দিয়ে ,

অথচ কঢ়িয়াই ফূৰে সি অগণন কাঁইট

ওজৰ আপত্তি অবিহনে

হাঁহিমুখে, হেলাৰঙে...!!

                  :::::

অনামিকা বৰা                                           

সহকাৰী অধ্যাপিকা
অসমীয়া বিভাগ
উত্তৰ গুৱাহাটী মহাবিদ্যালয়
দূৰভাষঃ ৯৭০৭৪৭৩০৮৩