অসমীয়া কবিতা, মৰম, মধুস্মিতা মালী, ৪ৰ্থ বছৰ ১ম সংখ্যা,

মৰম

 আই তুমি মমতাময়ী 

অনুভৱ তুমি মোৰ মৰমৰ , 

আলসুৱা শব্দৰে কাৰেংঘৰ এটি

সজাইছো মই তোমাৰ বাবে । 

মোৰ হৃদয়ৰ মণিকূটত

তোমাৰেই মূৰ্তি প্ৰতিষ্ঠিত , 

য'ত মোৰ মৰমৰ অঞ্জলি

যাচিছোঁ মাথোঁ তোমাৰ বাবে আই ।

মোৰ হৰ্ষ-বিষাদৰ প্ৰতিটো ৰজনীত

মৰমৰ ডোলেৰে বান্ধিছিলা তুমি ,

মৌ-বৰষা মাতেৰে ;

ৰাখিছিলা মৰম আকলুৱা কৰি ।

মোৰ জীৱনৰ  আশা-ভৰষাৰ

প্ৰাণ প্ৰতিষ্ঠাতা তুমি , 

য'ত মোৰ উন্মুক্ত মনক 

ডেউকা মেলি নীল আকাশত

উৰিবলৈ শিকাইছিলা তুমি । 

প্ৰাণস্পৰ্শী চেনেহ 

নীৰৱতাৰ মাজত ৰাখি

তুমি নিতে নিতে ,

একতাৰ এনাজৰীৰ জ্ঞান দিছিলা

মৰমৰ দলিচা পাৰি ।। 

মধুস্মিতা মালী                                                     

প্ৰাক্তন ছাত্ৰী ,

কমলপুৰ চৰকাৰী মজলীয়া বিদ্যালয় ৷