এটি কন্ঠ নোহোৱা হ'ল
এটি কন্ঠ নোহোৱা হ'ল
যি কণ্ঠত আছিল
আই অসমীৰ সাহ,
আই অসমীৰ মান ।
এটি কন্ঠ নোহোৱা হ ল
যি কণ্ঠত আছিল
মানুহক সাহস দিয়াৰ গান ।
মানুহক জীৱন দিয়াৰ প্ৰাণ ।
এটি কন্ঠ নোহোৱা হ'ল
যি কণ্ঠ নোহোৱা হোৱাৰ দুখ:ত
আজি
শত সহস্ৰ জন দুখত ম্ৰিয়মান ।
এটি কন্ঠ নোহোৱা হ'ল
শুই পৰিল
কন্ঠটি সাগৰপৃষ্ঠত
যি কণ্ঠ স্তব্ধ
হোৱাৰ দুখত, শত সহস্ৰজনৰ চকুৰে নিগৰিছে
অশ্ৰুৰ ধাৰ ।
যি মৃত্যুত শত সহস্ৰ জনৰ চকুৰে নিগৰিছে বাৰিষা বান
সেই মৃত্যুত সঁচাকৈয়ে
দেৱতাৰ আশীৰ্বাদ আছে ,
সেই মৃত্যু
পাৰিজাত ফুলৰ দৰে দুষ্প্ৰাপ্য
সেই মৃত্যু সঁচাকৈয়ে
অপৰাজেয় ,
যদিও মৃত্যু আমাৰ চিৰ পৰিচিত এটি শব্দ ।
ৰূপালী ভূঞা
সহকাৰী শিক্ষয়িত্ৰী
হেকেৰা উচ্চতৰ মাধ্যমিক বিদ্যালয়
শিক্ষাখণ্ড : ছমৰীয়া
0 Comments